មានភាសាជាច្រើនដូចជាអង់គ្លេស ថៃ ចិន បារំាង ជាដើម ដែលខ្មែរយើងនិយមរៀន។ យ៉ាងណាមិញភាសាកូរ៉េ ក៏ជាភាសាមួយ ដែលមានយុវជនប្រុសស្រីយើងមួយចំនួននិយមរៀនផងដែរ។ ដើម្បីសម្រួលដល់ការរៀននេះ យើងសូមណែនាំឆានែលយូធូបចំនួន៣នៅខ្មែរ និងបង្រៀនដោយគ្រូខ្មែរ សម្រាប់លោកអ្នកសិក្សាភាសាកូរ៉េដោយឥតគិតថ្លៃ ជាមួយនឹងមេរៀនកម្រិតដំបូងៗ ឬសម្រាប់អ្នកមិនចេះសោះក៏អាចរៀនបាន៖
១. KLC Cambodia
នេះគឺជាឆានែលយូធូបរបស់ខ្មែរ ដែលបង្រៀនភាសាកូរ៉េជាច្រើនវីដេអូ និងមានរៀបចំទៅតាមវគ្គនីមួយៗ ជាមួយនឹងការពន្យល់ជាភាសាខ្មែរងាយយល់ ងាយតាមដាន។ សម្រាប់មេរៀននៅក្នុងឆានែលនេះគឺបានរៀបចំយ៉ាងល្អដូចជាការរៀនស្រ: និង ព្យញ្ជនៈកូរ៉េ វិញ្ញាសា របៀបអាន របៀបនិយាយ ភាសាកូរ៉េខ្លីៗ និងការរៀនផ្សេងៗទៀត។ ចូលរៀន មេរៀន
ឆានែលទី២នេះ ក៏ជាឆានែលមួយដែលផ្ដោតសំខាន់ទៅលើការបង្រៀនភាសាកូរ៉េដូចគ្នាដែរ ពោលគឺមេរៀននីមួយៗ សុទ្ធតែត្រូវបានសម្រិតសម្រាំង ចងក្រង និងរៀបចំតាមលំដាប់លំដោយបានយ៉ាងល្អ ទាំងលំហាត់ វិញ្ញាសា និងការបង្រៀនមេរៀនពីចំណុចតូចៗ បង្រៀនដោយគ្រូខ្មែរផ្ទាល់ សម្រាប់អ្នករៀនកម្រិតដំបូងៗក៏អាចមើលយល់បាន។ ចូលរៀន មេរៀន
កន្លែងរៀនភាសាកូរ៉េបន្ទាប់នេះ គឺជាឆានែលយូធូបមួយបង្រៀនភាសាកូរ៉េ សម្រាប់អ្នកដែលកំពុងចង់ចេះ ឬអ្នកចេះខ្លះហើយ តែចង់អភិវឌ្ឍន៍សមត្ថភាពខ្លួនបន្ថែម ក៏អាចចូលមករៀនក្នុងឆានែលនេះបានដែរ។ រាល់មេរៀនទាំងនេះសុទ្ធតែបានសម្រិតសម្រាំង ដោយគ្រូបង្រៀនខ្មែរ ជាមួយនឹងការពន្យល់តាមរយស្លាយមួយៗ អមដោយរូបភាពតុក្កតា ឲ្យយើងរៀនឆាប់យល់ផងដែរ។ លោកអ្នកអាចចូលរៀនជាមួយគាត់ដោយឥតគិតថ្លៃ។ ចូលរៀន មេរៀន
អត្ថបទដោយ៖ ផែន ផាន់ណា
