ជំនាញ IT គឺជាជំនាញដ៏ពេញនិយម និងមានតម្រូវការខ្ពស់មួយពីទីផ្សារ ហើយថ្ងៃនេះផងដែរ Technology Cambodia នឹងណែនាំឱ្យអ្នកទាំងអស់គ្នាមកស្គាល់កន្លែងទាំង៣ ដែលអ្នកអាចរៀនជំនាញ IT និងជំនាញផ្សេងៗជាច្រើនទៀត ដោយឥតគិតថ្លៃ ដែលបង្រៀនដោយសាលាល្បីៗលំដាប់លេខ១ លើលោក ដូចជា Harvard និង Stanford ជាដើម។ ដោយកន្លែងទាំង៣នោះរួមមាន៖
១.edX.org៖ នៅក្នុងនេះ មានវគ្គសិក្សាជាច្រើន ដែលបង្រៀនដោយសាកលវិទ្យាល័យល្បីៗជាង១០០ ជុំវិញពិភពលោក ហើយអ្នកក៏អាចរៀនមេរៀនទាំងនោះ ដោយឥតគិតថ្លៃផងដែរ ប៉ុន្ដែប្រសិនបើចង់បានសញ្ញាបត្របញ្ជាក់អ្នកក៏អាចធ្វើការបង់ប្រាក់និងធ្វើការប្រលងក្រោយពីរៀនវគ្គណាមួយចប់ផងដែរ។
២. Coursera ៖ គឺជាកន្លែងបង្រៀនវគ្គសិក្សាជាច្រើន ទាំងវគ្គជំនាញបច្ចេកទេស IT និងជំនាញផ្សេងៗជាច្រើនទៀត។ ហើយអ្វីដែលពិសេសនោះ មេរៀនដែលមាននៅក្នុង Coursera គឺជាមេរៀនដែលបង្រៀនដោយសាកលវិទ្យាល័យនិងក្រុមហ៊ុនល្បីៗដំដាប់ពិភពលោកជាង២០០ស្ថាប័ន។ ប៉ុន្ដែយ៉ាងណាក៏ដោយ នៅក្នុងនេះមានមេរៀនខ្លះហ្វ្រីហើយមេរៀនខ្លះគិតថ្លៃ។
៣-MIT៖ Massachusetts Institute of Technology ជាសកលវិទ្យាល័យបច្ចេកវិទ្យាចំណាស់មួយ មានកម្មវិធីសិក្សាល្បីៗមិនចាញ់ Harvard ប៉ុន្មានទេ ។ វិទ្យាស្ថានបច្ចេកវិទ្យា ម៉ាសាឈូសេដ បានបង្កើតកម្មវិធីសិក្សាអនឡាញ MIT OpenCourseWare ដែលមានវគ្គសិក្សាប្រមាណ ២៤៥០ រៀនដោយឥតគិតថ្លៃ ព្រមទាំងផ្តល់សម្ភារៈសិក្សាដូចជាសៀវភៅ និងឯកសារស្រាវជ្រាវផ្សេងៗពី MIT ។
OpenCourseWare ត្រូវបានចែកជា ៤ ផ្នែកធំៗរួមមាន កម្មវិធីអប់រំសម្រាប់គ្រូ កម្មវិធីសម្រាប់ថ្នាក់វិទ្យាល័យ កម្មវិធីបង្រៀនមូលដ្ឋានសំខាន់សម្រាប់ថ្នាក់វិស្វកម្ម និងវិទ្យាសាស្ត្រកុំព្យូទ័រ និងកម្មវិធីបំប៉ន់បន្ថែមតាមរយៈការផ្តល់ធនធានជាសៀវភៅ និងវីដេអូមេរៀន ។
ចុះឈ្មោះចូលរៀនជាមួយ MIT OpenCourseWare
