នៅក្នុងយុគសម័យបច្ចេកវិទ្យានេះ AI ត្រូវបានបង្កើតឡើងដើម្បីជួយសម្រួលនូវការងារជាច្រើនរបស់មនុស្សយើងស្ទើរតែគ្រប់វិស័យ ហើយខាងក្រោមនេះជា ក្រុម AI ទាំង៣ ដែលអាចជួយសម្រួលការងារបុគ្គលិកផ្នែកលក់បានច្រើន ដើម្បីបង្កើនការលក់ ក៏ដូចជាកាត់បន្ថយបញ្ហាក្នុងការងារផងដែរ៖
ក្រុមទី១. AI សម្រាប់ការលក់ និងការគ្រប់គ្រងអតិថិជន៖ សំដៅដល់ការប្រើប្រាស់នូវសញ្ញាសិប្បនិមិត្តដើម្បីធ្វើស្វ័យប្រវត្តិកម្ម បង្កើនប្រសិទ្ធភាព និងពង្រឹងដំណើរការនៃការលក់ និងអន្តរកម្មអតិថិជន កែលម្អប្រសិទ្ធភាពការកំណត់ផ្ទាល់ខ្លួន និងការសម្រេចចិត្តផ្សេងៗ។ AI Tools ដែលទទួលបានការណែនាំមានដូចជា HubSpot Sale Hub, Zoho CRM, Salesforce Einstien AI។ លោកអ្នកអាចសាកល្បងចូលទៅកាន់គេហទំព័ររបស់កម្មវិធី AI ដែលបានលើកឡើងដើម្បីសាកល្បងបាន។
យ៉ាងណាមិញនៅក្នុងស្រុកខ្មែរយើងក៏មានក្រុមហ៊ុនដែលផ្ដល់នូវសេវាកម្ម Software ដំណើរការដោយ AI ដែលមានសមត្ថភាពក្នុងការជួយសម្រួលការងារជាច្រើន មិនត្រឹមតែផ្នែកលក់ប៉ុណ្ណោះទេ លោកអ្នកក៏អាចសាកល្បងស្វែងរកសេវាកម្មក្នុងស្រុកដើម្បីសាកល្បងបានដែរ។
ក្រុមទី២. AI សម្រាប់ជំនួយអតិថិជន និង Chatbots៖ សំដៅលើការប្រើប្រាស់សញ្ញាសិប្បនិមិត្តដើម្បីឆ្លើយតបទៅនឹងតម្រូវការអតិថិជនដោយស្វ័យប្រវត្តិ ឬការផ្លើយតបភ្លាមៗ តាមរយៈ Chatbots និងជំនួយការនិម្មិត។ AI Tools ដែលទទួលបានការណែនាំមានដូចជា ChatGPT, Tidio, Drift AI និង Zendesk ជាដើម ដែលសុទ្ធសឹងតែជួយក្នុងការឆ្លើយតបទៅអតិថិជនបានលឿន និងមាន ChatBots សម្រាប់ឆ្លើយតបដោយស្វ័យប្រវត្តិ។
ក្រុមទី៣. AI សម្រាប់ទីផ្សារ និងប្រព័ន្ធផ្សព្វផ្សាយសង្គម៖ សំដៅលើការប្រើប្រាស់សញ្ញាសិប្បនិមិត្តដើម្បីវិភាគទិន្នន័យ បង្កើតមាតិកាដោយស្វ័យប្រវត្តិ និងបង្កើនប្រសិទ្ធភាពនៃការចូលរួមនៅក្នុងវេទិកាឌីជីថល ដើម្បីបង្កើនការលក់។ AI Tools ដែលទទួលបានការណែនាំមានដូចជា Canva AI, Jasper AI, Adzooma និង Hootsuite AI ជាដើម ដែលមួយក្រុមនេះ មានមុខងារជួយទៅដល់ការបង្កើតរូបភាព វីដេអូ និងផលិតនូវពាណិជ្ជកម្មយ៉ាងសម្បូរបែប សម្រាប់ការផ្សព្វផ្សាយលើអ៊ីនធឺណេត។
គួរជម្រាបផងដែរថា ក្រុម AI ដែលបានលើកឡើងខាងលើនេះ មានខ្លះអាចចូលប្រើប្រាស់បានដោយសេរី និងខ្លះទៀតអាចមានគិតកម្រៃសមាជិក។ លោកអ្នកអាចសិក្សាពី AI tool នីមួយៗបន្ថែមដើម្បីស្វែងរកមួយណាដែលត្រូវជាមួយអ្នក តាមរយៈការចូលសាកល្បងនៅក្នុង Website របស់ AI នីមួយៗ៕
អត្ថបទដោយ៖ សូ សុខលី (កូនផ្កាឈូក)
