ភ្នំពេញ, ប្រទេសកម្ពុជា, ថ្ងៃទី២៩ ខែកក្កដា ឆ្នាំ២០២៦ – ថ្ងៃនេះ ASUS បានប្រកាសជាផ្លូវការនូវ Zenbook DUO (2026) UX8407ដែលជាកំណែទម្រង់ជំនាន់ថ្មីដ៏ទំនើបនៃកុំព្យូទ័រយួរដៃអេក្រង់ភ្លោះដ៏លេចធ្លោ ដែលឥឡូវនេះផ្តល់នូវកម្លាំងម៉ាស៊ីនកាន់តែខ្លាំង ភាពងាយស្រួលក្នុងការចល័តកាន់តែខ្ពស់ និងបទពិសោធន៍ប្រើប្រាស់កាន់តែប្រសើរឡើង។

បង្កើតឡើងសម្រាប់អ្នកជំនាញ និងអ្នកបង្កើតមាតិកាដែលទាមទារដំណើរការការងារកម្រិតកំពូលដោយគ្មានការសម្របសម្រួល Zenbook DUO មានតួខ្លួនធ្វើពី Ceraluminum™ ទាំងស្រុង ដែលផ្តល់នូវភាពធន់ដ៏អស្ចារ្យខណៈពេលដែលរក្សាបាននូវរូបរាងទម្ងន់ស្រាល។ ជាមួយបន្ទះឈីប Intel® Core™ Ultra 9 386H Processor ផ្សំជាមួយ Intel AI Boost NPU (រហូតដល់ 50 TOPS) និងប្រព័ន្ធថាមពលថ្មភ្លោះ 99Wh ធ្វើឱ្យ Zenbook DUO អាចដំណើរការបានកាន់តែយូរ និងផ្តល់នូវកម្លាំងម៉ាស៊ីនខ្លាំងស្មើនឹងកុំព្យូទ័រលើតុ (Desktop-grade performance) អនុញ្ញាតឱ្យបង្កើនប្រសិទ្ធភាពការងារ និងការច្នៃប្រឌិតបានគ្រប់ពេលវេលា និងគ្រប់ទីកន្លែង។ ត្រូវបានបង្កើតឡើងដើម្បីផ្តល់នូវបទពិសោធន៍ទស្សនាដ៏ជក់ចិត្ត Zenbook DUO ដែលមានរាងបង្រួមតូចនេះ ប្រើប្រាស់អេក្រង់គែមខ្លីទំហំ 14 អ៊ីញ 3K ASUS Lumina Pro OLED ចំនួនពីរ សម្រាប់ការបង្ហាញរូបភាពរស់រវើកដូចធម្មជាតិពិតៗ ជាមួយកម្រិតពន្លឺ និងកម្រិតពណ៌ដិតច្បាស់ខ្ពស់ រួមទាំងការរចនាគន្លឹះបត់រាបស្មើថ្មីដែលជួយកាត់បន្ថយចន្លោះរវាងអេក្រង់ទាំងពីរ។ ប្រព័ន្ធសំឡេង Speaker 6 គ្រាប់ដែលត្រូវបានរចនាឡើងវិញ ផ្លាស់ប្តូរកុំព្យូទ័រយួរដៃនេះទៅជាស្ថានីយ تفសានិងកម្សាន្តដ៏មានអានុភាព។ បំពេញបន្ថែមដោយ Software ScreenXpert ដែលបានធ្វើឱ្យប្រសើរឡើង និងប្រព័ន្ធដោតភ្ជាប់ក្តារចុច MagLatch™ ថ្មី ធ្វើឱ្យការបំពេញការងារច្រើនក្នុងពេលតែមួយ (Multitasking) ដំណើរការទៅយ៉ាងរលូននៅលើអេក្រង់ទាំងពីរ នៅក្នុងទម្រង់តួខ្លួនដែលមានទំហំតូចជាងជំនាន់មុន 5%។

តថភាពថ្មី - លើសពីអេក្រង់ 

Zenbook DUO ផ្លាស់ប្តូរនិយមន័យនៃការប្រើប្រាស់កុំព្យូទ័រអេក្រង់ច្រើន ដោយការរួមបញ្ចូលអេក្រង់ OLED ពីរទៅជាស្ថានីយការងារតែមួយដ៏រលូន។ តួខ្លួនមានទំហំតូចជាងជំនាន់មុន 5% និងបានណែនាំនូវអេក្រង់ទំហំ 14 អ៊ីញ 3K ASUS Lumina Pro OLED ចុងក្រោយបង្អស់ ព្រមទាំងបទពិសោធន៍ប្រើប្រាស់កាន់តែប្រសើរ។ តាមរយៈការកាត់បន្ថយចន្លោះរវាងអេក្រង់ដល់ទៅ 70% ធ្វើឱ្យការឆ្លងកាត់រវាងអេក្រង់ទាំងពីរមានភាពរលូនស្រឡះស្ទើរតែគ្មានចន្លោះ។ អេក្រង់ទាំងពីរទទួលបានវិញ្ញាបនបត្រទំរង់ Dolby Vision® ដែលអាចបញ្ចេញពន្លឺបានរហូតដល់ 1,000 nits Peak Brightness, មានល្បឿន Refresh Rate ផ្លាស់ប្តូរបានពី 48-144Hz (VRR) និងមានស្រទាប់ការពារការចំណាំងផ្លាត (Anti-reflection coating) សម្រាប់ភាពច្បាស់ល្អឥតខ្ចោះនៃកម្រិត HDR។

មុខងារវៃឆ្លាតជួយលើកកម្ពស់បទពិសោធន៍អ្នកប្រើប្រាស់កាន់តែខ្ពស់៖ Software ScreenXpert នឹងចាប់ដឹងដោយស្វ័យប្រវត្តិនៅពេលដែលគម្របត្រូវបានបើកលើសពី 175° ដោយដំណើរការមុខងារចែករំលែក (Sharing) និងឧបករណ៍កំណត់ចំណាំ (Annotation tools) ដែលធ្វើឱ្យការសហការការងារមានភាពងាយស្រួលឥតខ្ចោះ។ លទ្ធផលគឺបទពិសោធន៍ទស្សនា និងការធ្វើការងារដែលផ្តល់អារម្មណ៍ធំទូលាយជាងទំហំ Hardware ផ្ទាល់ទៅទៀត។

ប្រព័ន្ធសំឡេង Dolby Atmos® ដែលបានកែលម្អថ្មី ឥឡូវនេះរួមបញ្ចូលនូវ Speaker ចំនួន 6 គ្រាប់ សម្រាប់សំឡេងដ៏មានអានុភាព និងលម្អិតច្បាស់។ វាប្រើប្រាស់ Dual-diaphragm woofers ជាមួយ Front-firing tweeters ដែលត្រូវបានលាក់យ៉ាងមានរបៀបនៅក្នុងយន្តការគន្លឹះបត់។

ទៅបានឆ្ងាយជាងមុន និងលឿនជាងមុន 

កម្លាំងម៉ាស៊ីនខ្លាំងក្លាជួបជាមួយការស៊ូទ្រាំដ៏អស្ចារ្យ នៅក្នុងស្ថាបត្យកម្មថាមពលវៃឆ្លាតរបស់ Zenbook DUO។ បំពាក់ដោយប្រព័ន្ធថាមពលថ្មភ្លោះដែលមានសមត្ថភាពខ្ពស់ 99 Wh វាធានាបាននូវដំណើរការប្រើប្រាស់បានយូរអង្វែងសម្រាប់ការងារធ្ងន់ៗ។ បន្ទះឈីបជំនាន់ក្រោយឡើងដល់ Intel® Core™ Ultra 9 386H Processor ជាមួយ Intel AI Boost NPU (រហូតដល់ 50 TOPS) ផ្តល់នូវការលោតផ្លោះយ៉ាងខ្លាំងក្នុងប្រសិទ្ធភាពគណនា និងក្រាហ្វិក ដោយសម្រេចបាននូវដំណើរការ AI សរុបរហូតដល់ 180 TOPS។

មុខងារគ្រប់គ្រងកម្តៅដែលបានកែលម្អកាន់តែប្រសើរ រួមមានរន្ធបញ្ចេញខ្យល់ដែលកាត់ដោយម៉ាស៊ីន CNC យ៉ាងជាក់លាក់ ដែលមានផ្ទៃក្រឡាធំជាងមុន 3 ដងបើធៀបនឹងជំនាន់មុន និងកង្ហារទំហំធំដែលមានស្លាបកង្ហារ 97 ស្លាប ជួយរក្សាសីតុណ្ហភាពឱ្យស្ថិតក្នុងកម្រិតល្អបំផុត ទោះបីជាស្ថិតក្រោមការប្រើប្រាស់ធ្ងន់ធ្ងរជាប់គ្នាក៏ដោយ។ ការកើនឡើងកម្រិត TDP 28% ទៅដល់ 45W បើធៀបនឹងជំនាន់មុន ធានាថា Zenbook DUO ផ្តល់នូវថាមពលប្រកបដោយស្ថិរភាព ខណៈពេលដែលរក្សាបាននូវប្រតិបត្តិការស្ងប់ស្ងាត់ល្អ។

បង្កើតឡើងដើម្បីភាពរឹងមាំ រចនាឡើងដើម្បីភាពងាយស្រួលក្នុងការចល័ត

ភាពធន់ និងភាពងាយស្រួលក្នុងការចល័ត គឺជាបេះដូងនៃការរចនារបស់ Zenbook DUO ឆ្នាំ 2026។ រាល់ធាតុផ្សំទាំងអស់ត្រូវបានសម្រិតសម្រាំងដើម្បីទប់ទល់នឹងតម្រូវការនៃការធ្វើដំណើរ ការប្រើប្រាស់ញឹកញាប់ និងការងារដែលផ្លាស់ប្តូរទម្រង់លឿន។ តួខ្លួនធ្វើពី Ceraluminum™ ទាំងស្រុង រួមបញ្ចូលគ្នានូវភាពរឹងមាំ និងទម្ងន់ស្រាល ខណៈពេលដែលគន្លឹះបត់លាក់ខ្លួនថ្មី (Hideaway hinge) និងជើងទម្រខាងក្រោយដែលបានរចនាឡើងវិញ ធានាបាននូវដំណើរការប្រកបដោយទំនុកចិត្ត និងទីតាំងឈរប្រកបដោយស្ថិរភាពនៅក្នុងគ្រប់ទម្រង់ប្រតិបត្តិការ។ ក្តារចុច Bluetooth® ទំហំពេញដែលត្រូវបានពង្រឹងរចនាសម្ព័ន្ធ frame និង mainboard សម្រាប់ភាពជឿជាក់រយៈពេលវែង ត្រូវបានរក្សាទុកយ៉ាងមានសុវត្ថិភាពនៅចន្លោះបន្ទះ OLED ទាំងពីរ ផ្តល់នូវការការពារ និងប្រសិទ្ធភាពខ្ពស់ ជាមួយប្រព័ន្ធដោតភ្ជាប់ MagLatch™ថ្មីដែលមាន pogo pins អាចដកថយបាន ធ្វើឱ្យការដោតភ្ជាប់មានភាពងាយស្រួល និងច្បាស់លាស់ សម្រាប់ការផ្លាស់ប្តូរទម្រង់ការងារយ៉ាងរលូន។

ផ្តល់នូវភាពកក់ក្តៅ និងសន្តិភាពចិត្ត 

ឧបករណ៍ដែលគ្រប់លក្ខខណ្ឌ ឥឡូវនេះនឹងទទួលបានការធានាបន្ថែមរយៈពេល 3 ឆ្នាំ (3-Year Warranty) រួមជាមួយការធានាពិសេស ASUS Perfect Warranty (APW) រយៈពេល 1 ឆ្នាំ។ ការការពារពីរជាន់នេះ ការពារអ្នកប្រើប្រាស់ពីបញ្ហា Hardware ធម្មតារយៈពេល បីឆ្នាំ ហើយព្រមទាំងការពារពីគ្រោះថ្នាក់ចៃដន្យប្រចាំថ្ងៃដូចជា ការកំពប់ទឹក ការធ្លាក់ និងការឡើងបុកនៃចរន្តអគ្គិសនី ក្នុងអំឡុងពេលឆ្នាំដំបូងនៃការក្លាយជាម្ចាស់កម្មសិទ្ធិ។ រាល់ការជួសជុលទាំងអស់នឹងត្រូវធ្វើឡើងដោយបច្ចេកទេសករដែលមានវិញ្ញាបនបត្រ ដោយប្រើប្រាស់គ្រឿងបន្លាស់ហ្ស៊ីននៅមជ្ឈមណ្ឌលសេវាកម្មផ្លូវការរបស់ ASUS (ASUS Authorized Service Centers) ដែលធានាបាននូវរយៈពេលជួសជុលលឿន និងការដោះស្រាយដោយគ្មានការព្រួយបារម្ភ។

ព័ត៌មាននៃការដាក់លក់

ASUS Zenbook DUO (UX8407AA) នឹងមានលក់ចាប់ពីខែកក្កដានេះតទៅ នៅក្នុងប្រទេសកម្ពុជា នៅតាមហាងផ្ដាច់មុខរបស់ ASUS (ASUS Exclusive Store) និងហាងលក់រាយជាដៃគូដទៃទៀត។ សូមទាក់ទងតំណាងចែកចាយ ASUS ក្នុងតំបន់របស់អ្នកសម្រាប់ព័ត៌មានបន្ថែម។

លក្ខណៈបច្ចេកទេស របស់ ASUS Zenbook DUO (2026) UX8407

ព័ត៌មាននៃការដាក់លក់ និង តម្លៃ

កុំព្យូទ័រយួរដៃអេក្រង់ពីរដ៏ប្រណិតជំនាន់ថ្មីម៉ូដែល ASUS Zenbook DUO នឹងមានដាក់លក់ចាប់ពីថ្ងៃទី ២៩ ខែកក្កដានេះតទៅនៅក្នុងប្រទេសកម្ពុជា។

អតិថិជនទាំងអស់អាចស្វែងរក និង ជាវម៉ូដែលនេះបាននៅតាមហាងផ្ដាច់មុខរបស់ ASUS (ASUS Exclusive Stores) ក៏ដូចជាបណ្តាហាងលក់កុំព្យូទ័រជាដៃគូធំៗនៅទូទាំងប្រទេស។

សម្រាប់តម្លៃលក់រាយផ្លូវការវិញ ម៉ូដែល ASUS Zenbook DUO នេះមានតម្លៃចាប់ពី $ 2,299 USD ទៅតាមជម្រើសកម្លាំងម៉ាស៊ីន និងទំហំផ្ទុក។ សូមទាក់ទងតំណាងចែកចាយ ASUS ក្នុងតំបន់របស់អ្នកសម្រាប់ព័ត៌មានបន្ថែម។

អំពី ASUS

ASUS គឺជាក្រុមហ៊ុនបច្ចេកវិទ្យាឈានមុខគេលំដាប់សកល ដែលផ្តល់ជូននូវឧបករណ៍ សមាសធាតុភាគ និងដំណោះស្រាយដ៏មានភាពច្នៃប្រឌិត និងឆ្លាតវៃបំផុតនៅលើពិភពលោក ដើម្បីផ្តល់នូវបទពិសោធន៍ដ៏អស្ចារ្យដែលជួយលើកកម្ពស់ជីវភាពរស់នៅរបស់មនុស្សគ្រប់រូបនៅគ្រប់ទីកន្លែង។ ជាមួយក្រុមការងារអ្នកជំនាញផ្នែកស្រាវជ្រាវ និងអភិវឌ្ឍន៍ (R&D) ផ្ទាល់ខ្លួនចំនួន 5,000 នាក់ ក្រុមហ៊ុនត្រូវបានល្បីល្បាញពេញពិភពលោកក្នុងការបន្តបង្កើត និងកែច្នៃបច្ចេកវិទ្យានាសម័យបច្ចុប្បន្នឡើងវិញឥតឈប់ឈរ។ ត្រូវបានជាប់ចំណាត់ថ្នាក់ជាបន្តបន្ទាប់ជាក្រុមហ៊ុនមួយក្នុងចំណោមក្រុមហ៊ុនដែលទទួលបានការកោតសរសើរបំផុតនៅលើពិភពលោករបស់ទស្សនាវដ្តី Fortune (Fortune’s World’s Most Admired Companies) លើសពីនេះ ASUS ក៏ប្តេជ្ញាចិត្តក្នុងការទ្រទ្រង់អនាគតដ៏អស្ចារ្យផងដែរ។ គោលដៅគឺការបង្កើតសហគ្រាសដែលគ្មានការបំភាយឧស្ម័នផ្ទះកញ្ចក់ (Net Zero Enterprise) ដែលជួយជំរុញការផ្លាស់ប្តូរឆ្ពោះទៅរកសេដ្ឋកិច្ចវិលជុំ (Circular Economy) រួមជាមួយខ្សែច្រវាក់ផ្គត់ផ្គង់ដែលមានការទទួលខុសត្រូវ ដើម្បីបង្កើតតម្លៃរួមគ្នាសម្រាប់ពួកយើងរាល់គ្នា។