ការផ្តល់ជូនអាហារូបករណ៍ដ៏ច្រើនសន្ធឹកសន្ធាប់នេះ គឺដើម្បីចូលរួមចំណែកយ៉ាងសកម្មជាមួយរាជរដ្ឋាភិបាល ក្នុងការលើកកម្ពស់វិស័យអប់រំ និងបណ្តុះបណ្តាលធនធានមនុស្សនៅកម្ពុជា ឱ្យកាន់តែមានសក្តានុពលខ្ពស់។ អាហារូបករណ៍នេះ ផ្តល់ជូនសម្រាប់ការបន្តការសិក្សាថ្នាក់ បរិញ្ញាបត្ររង បរិញ្ញាបត្រ និងបរិញ្ញាបត្រជាន់ខ្ពស់ ទៅលើមុខជំនាញជាច្រើន ដែលកំពុងមានតម្រូវការខ្ពស់ក្នុងទីផ្សារការងារ នៅតាមបណ្តាគ្រឹះស្ថានឧត្តមសិក្សារដ្ឋ និងឯកជនល្បីៗជាដៃគូចំនួន ៦ រួមមាន៖

១. សាកលវិទ្យាល័យភូមិន្ទភ្នំពេញ (RUPP): ចំនួន ២០ កន្លែង ២. សាកលវិទ្យាល័យជាតិគ្រប់គ្រង (NUM): ចំនួន ១២ កន្លែង (ថ្នាក់បរិញ្ញាបត្រ ១០ និងបរិញ្ញាបត្រជាន់ខ្ពស់ ២) ៣. សាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច (RULE): ចំនួន ១២ កន្លែង (ថ្នាក់បរិញ្ញាបត្រ ១០ និងបរិញ្ញាបត្រជាន់ខ្ពស់ ២) ៤. សាកលវិទ្យាល័យអាមេរិកាំងភ្នំពេញ (AUPP): ចំនួន ១៤ កន្លែង (កម្មវិធី Single Degree) ៥. សាកលវិទ្យាល័យភូមិន្ទកសិកម្ម (RUA): ចំនួន ២៥ កន្លែង (ថ្នាក់បរិញ្ញាបត្រ) ៦. វិទ្យាស្ថានខ្មែរជំនាន់ថ្មី (INK): ចំនួន ២៣០ កន្លែង (ថ្នាក់បរិញ្ញាបត្ររង/បរិញ្ញាបត្រ ២០០ និងបរិញ្ញាបត្រជាន់ខ្ពស់ ៣០)

មុខជំនាញលេចធ្លោដែលបេក្ខជនអាចជ្រើសរើសបានមានដូចជា៖ បច្ចេកវិទ្យាព័ត៌មាន (IT), បញ្ញាសិប្បនិម្មិត (AI), សុវត្ថិភាពសាយប័រ (Cybersecurity), ហេដ្ឋារចនាសម្ព័ន្ធឌីជីថល (Digital Infrastructure), នីតិសាស្ត្រ, សេដ្ឋកិច្ច និងសេដ្ឋកិច្ចឌីជីថល, ទំនាក់ទំនងអន្តរជាតិ, គ្រប់គ្រងពាណិជ្ជកម្ម, ហិរញ្ញវត្ថុ និងធនាគារ, កសិកម្ម, វិទ្យាសាស្ត្រសត្វ និងមុខជំនាញភាសាបរទេសជាច្រើនទៀត។

លក្ខខណ្ឌនៃការជ្រើសរើស៖

• បេក្ខជន-បេក្ខនារី ត្រូវមានសញ្ញាបត្រមធ្យមសិក្សាទុតិយភូមិ ឬសញ្ញាបត្រសមមូលដែលមានតម្លៃស្មើ។
• បេក្ខជនត្រូវឆ្លងកាត់ការវាយតម្លៃ ការប្រឡងប្រជែង ឬការសម្ភាសន៍ផ្ទាល់ដែលរៀបចំដោយ ស.ស.យ.ក. រាជធានីភ្នំពេញ និងគ្រឹះស្ថានសិក្សាសាមី។
• កាលបរិច្ឆេទឈប់ទទួលពាក្យមានការកំណត់ផ្សេងៗគ្នាទៅតាមសាកលវិទ្យាល័យនីមួយៗ (ភាគច្រើនចាប់ពីពាក់កណ្តាលខែសីហា ដល់ខែកញ្ញា និងខែតុលា ឆ្នាំ២០២៦)។

របៀបនៃការដាក់ពាក្យស្នើសុំ៖ សិស្សានុសិស្ស និងយុវជនដែលមានចំណាប់អារម្មណ៍ សូមប្រញាប់រួសរាន់បំពេញទម្រង់បែបបទ និងរៀបចំឯកសារ (ដូចជា ជីវប្រវត្តិសង្ខេប សញ្ញាបត្រ សំបុត្រកំណើត អត្តសញ្ញាណប័ណ្ណ សៀវភៅគ្រួសារ និងរូបថត ៤x៦) ដោយអាចទាញយក និងដាក់ពាក្យស្នើសុំតាមរយៈតំណភ្ជាប់អនឡាញខាងក្រោម៖

• តំណភ្ជាប់សម្រាប់ពាក្យស្នើសុំអាហារូបករណ៍ https://drive.google.com/.../1Uqf0q3S8Jo4wvsW-mH9l2U36...

  តំណភ្ជាប់សម្រាប់ដាក់ពាក្យស្នើសុំអាហារូបករណ៍ https://forms.gle/q2SeDVSCmoMEe8sL6

  តំណតេលេក្រាម៖  https://t.me/uyfc_pp

កុំឱ្យឱកាសដ៏ល្អនេះកន្លងផុតទៅឱ្យសោះ! សូមជួយចែករំលែកព័ត៌មាននេះទៅកាន់មិត្តភក្តិ បងប្អូន និងអ្នកដែលកំពុងស្វែងរកឱកាសបន្តការសិក្សាថ្នាក់ឧត្តមសិក្សាទាំងអស់គ្នា!