១./ Free VPNs (VPN ឥតគិតថ្លៃ) ដែលមិនស្គាល់ប្រភពច្បាស់លាស់

• VPN ឥតគិតថ្លៃភាគច្រើនរកចំណូលដោយការ កត់ត្រា (Log) និង លក់ទិន្នន័យប្រើប្រាស់អ៉ីនធឺណិត (ប្រវត្តិ Browse, ទីតាំង, IP Address) របស់អ្នកទៅឱ្យក្រុមហ៊ុនផ្សាយពាណិជ្ជកម្ម ឬភាគីទីបីផ្សេងទៀត
• មេរោគ (Malware/Adware)៖ កម្មវិធី VPN ឥតគិតថ្លៃខ្លះត្រូវបានរកឃើញថាមានបង្កប់មេរោគ, Adware (ការផ្សាយពាណិជ្ជកម្មច្រើនហួសហេតុ) ដែលអាចលួចព័ត៌មានសំខាន់ៗ
• ពួកគេច្រើនតែប្រើប្រាស់ពិធីការ (Protocols) ដែលហួសសម័យ ឬមានការអ៊ិនគ្រីប (Encryption) ខ្សោយ ដែលធ្វើឱ្យ IP Address ពិតរបស់អ្នកអាចលេចធ្លាយ (IP Leak)
• ឧទាហរណ៍៖ SuperVPN, Hola VPN (ប្រើប្រព័ន្ធ Peer-to-Peer ដែលលក់ Bandwidth របស់អ្នក)។

២./ VPNs ដែលមានគោលការណ៍កត់ត្រា (Logging Policy) ខុសពី "Zero-Log

• ក្រុមហ៊ុន VPN នឹងដឹងគ្រប់សកម្មភាពរបស់អ្នកដូចជា ISP (ក្រុមហ៊ុនផ្តល់សេវាអ៊ីនធឺណិត) ដែរ។ 
• ប្រសិនបើ VPN នោះត្រូវបានគេលួចចូល (Hacked) ឬត្រូវបានរដ្ឋាភិបាលក្នុងតំបន់ទាមទារទិន្នន័យ នោះព័ត៌មានផ្ទាល់ខ្លួនរបស់អ្នកនឹងត្រូវបានលាតត្រដាង។

ដើម្បីធានាបាននូវសុវត្ថិភាព និងឯកជនភាពពិតប្រាកដក្នុងការប្រើប្រាស់អ៊ីនធឺណិត អ្នកគួរជ្រើសរើសសេវាកម្ម VPN ណាដែលមានគោលការណ៍ No-Log ច្បាស់លាស់ (មិនរក្សាទុកប្រវត្តិប្រើប្រាស់) និងប្រើប្រាស់បច្ចេកវិទ្យាអ៊ិនគ្រីបកម្រិតខ្ពស់ AES-256 Bit ដើម្បីការពារទិន្នន័យពីការលួចស្ទាក់ចាប់។