Bitchat គឺជាកម្មវិធីឥតគិតថ្លៃ ដែលអាចឆាត និងខលរកគ្នា ដោយប្រើតែ Bluetooth ឬ Wi-Fi Direct ដើម្បីភ្ជាប់ឧបករណ៍ពីរឡើងទៅគ្នា ដោយមិនចាំបាច់ពឹងពាក់សេវាអ៊ីនធឺណេត ឬសេវាសាធារណៈណាមួយនោះឡើយ។ អ្វីដែលសំខាន់វាអាចដំណើរការទាក់ទងគ្នាបាន ដល់រយៈចម្ងាយប្រមាណ ៣០០ម៉ែត្រពីគ្នាឯណោះ។

សមត្ថភាពដែល App Bitchat អាចធ្វើបាន រួមមានដូចជា ឆាតជាអក្សរបានរហ័ស បញ្ជូនរូបភាព ឯកសារ ឬវីដេអូ អាចខលនិយាយឆ្លើយឆ្លងគ្នាបាន ដោយគ្រាន់តែប្រើ Bleutooth។

យ៉ាងណាមិញ Bitchat ទើបតែត្រូវបានបង្កើតឡើងនៅក្នុងខែកក្កដា​​ ឆ្នាំ២០២៥ នេះប៉ុណ្ណោះ ហើយវាកំពុងស្ថិតក្នុងដំណាក់កាលប្រើប្រាស់សាកល្បង ដើម្បីធានាបានថា មិនមានបញ្ហាសុវត្ថិភាព ឬអ្នកណា Hack ចូលបាន។ លោកអ្នកយល់យ៉ាងណាដែរ? បើសិនជាគេទម្លាក់ឱ្យប្រើផ្លូវការ តើចង់សាកប្រើដែរឬទេ?