គម្រោងមជ្ឈមណ្ឌលបច្ចេកវិទ្យាសហគមន៍ (ម.ប.ស.) នេះ ត្រូវបានបង្កើតឡើងដោយមានមុខងារស្នូលចំនួន ៤ សំខាន់ៗរួមមាន៖

1. បន្ទប់កុំព្យូទ័រ (Computer Lab)៖ សម្រាប់ផ្តល់ការបណ្ដុះបណ្ដាលជំនាញបច្ចេកវិទ្យាដល់សិស្សានុសិស្សនៅក្នុងវិទ្យាល័យ។

2. បន្ទប់បណ្តុះបណ្តាល (Training Room)៖ សម្រាប់បណ្ដុះបណ្ដាលបុគ្គលិកប្រតិបត្តិ និងប្រជាពលរដ្ឋទូទៅដែលរស់នៅក្នុងសហគមន៍។

3. ប៉ុស្តិ៍ប្រៃសណីយ៍ (Post Office)៖ សម្រាប់អនុវត្ត និងជំរុញសេវាកម្មបញ្ញើប្រៃសណីយ៍ ដែលគ្រប់គ្រងផ្ទាល់ដោយប្រៃសណីយ៍កម្ពុជា។

4. សាលសាធារណៈ (Public Hall)៖ ជាទីកន្លែងសម្រាប់ឱ្យសិស្សានុសិស្ស និងប្រជាពលរដ្ឋក្នុងសហគមន៍អាចមកសិក្សា រៀបចំកិច្ចប្រជុំ ឬស្រាវជ្រាវស្វែងរកព័ត៌មានផ្សេងៗ។

វត្តមានរបស់មជ្ឈមណ្ឌលបច្ចេកវិទ្យាសហគមន៍ នឹងចូលរួមចំណែកយ៉ាងធំធេងក្នុងការកាត់បន្ថយគម្លាតឌីជីថល ព្រមទាំងផ្តល់ឱកាសឱ្យប្រជាពលរដ្ឋនៅតាមមូលដ្ឋានអាចទទួលបានចំណេះដឹង និងសេវាកម្មបច្ចេកវិទ្យាទំនើបៗ។

សាធារណជន សិស្សានុសិស្ស និងប្រជាពលរដ្ឋ ដែលចង់ជ្រាបព័ត៌មានបន្ថែម ឬតាមដានការវិវឌ្ឍន៍ថ្មីៗនៃគម្រោងនេះ អាចចូលទៅកាន់គេហទំព័រផ្លូវការរបស់ ម.ប.ស. តាមរយៈ៖ www.ctc.edu.kh ។