ដំណឹងល្អសម្រាប់អ្នកកំពុងសម្លឹងមើលរថយន្តអគ្គិសនី (EV) យកមកប្រើប្រាស់! ស្របពេលដែលរាជរដ្ឋាភិបាលកម្ពុជាទើបតែបានប្រកាសដាក់ចេញនូវគោលការណ៍បញ្ចុះអត្រាពន្ធគយថ្មី ក្រុមហ៊ុនចែកចាយរថយន្តអគ្គិសនីល្បីៗចំនួន ៥ នៅកម្ពុជា បានប្រកាសកែសម្រួល និងទម្លាក់តម្លៃរថយន្តរបស់ខ្លួនជាបន្តបន្ទាប់ ដើម្បីផ្តល់ជូនអតិថិជននូវតម្លៃកាន់តែពិសេស និងចំណេញជាងមុន។
យោងតាមសេចក្តីប្រកាសជាផ្លូវការនៅលើបណ្តាញសង្គមរបស់ក្រុមហ៊ុននីមួយៗ ក្រុមហ៊ុនទាំង ៥ ដែលបានចេញមុខប្រកាសកែសម្រួលតម្លៃនោះរួមមាន៖
១. ក្រុមហ៊ុន BYD (Harmony Auto | iCar)៖ បានប្រកាសយ៉ាងច្បាស់ពី «ការឆ្លើយតបទៅនឹងពន្ធគយថ្មីរបស់កម្ពុជា ជាមួយនឹងការកែសម្រួលតម្លៃរថយន្ត BYD គ្រប់ម៉ូដែល»។ ម៉ូដែលពេញនិយមជាច្រើនចាប់ពីត្រកូល SEAGULL, SHARK 6, ATTO 2, SEALION, BYD Ti 7, SEAL 5, BYD M9 រហូតដល់រថយន្តប្រណីត DENZA D9 សុទ្ធតែត្រូវបានទម្លាក់តម្លៃចុះពីតម្លៃដើមគួរឲ្យកត់សម្គាល់។ សម្រាប់ម៉ូដែលឡានលម្អិត (ប្រសិនបើអ្នកទាំងអស់គ្នាចាប់អារម្មណ៍ចង់ជាវរថយន្ត BYD Cambodia សូមធ្វើការទាក់ទង ឬសួរនាំព័ត៌មានបន្ថែមទៅកាន់លេខ 017 555 924 និងតាមដានគេហកទំព័រហ្វេសប៊ុកផ្លូវការរបស់ BYD Cambodioa)។
២. ក្រុមហ៊ុន BAOJUN៖ បានចេញសេចក្តីជូនដំណឹងស្តីពីការកែសម្រួលតម្លៃថ្មី ស្របតាមអត្រាពន្ធរបស់រាជរដ្ឋាភិបាល ដោយទម្លាក់តម្លៃលើម៉ូដែល BAOJUN CLOUD (ពី $25,900 មកត្រឹម $25,600) និងម៉ូដែល BAOJUN YEP PLUS (ពី $19,900 មកត្រឹម $19,700)។ ការផ្តល់ជូនតម្លៃថ្មីនេះមានប្រសិទ្ធភាពចាប់ពីថ្ងៃទី០១ ខែមេសា ឆ្នាំ២០២៦ នេះតទៅ។ (សម្រាប់អ្នកចាប់អារម្មណ៍សូមទំនាក់ទំនង 017 211 200)
៣. ក្រុមហ៊ុន AION (Heng Huy Autocar)៖ ក៏មិននៅស្ងៀមដែរ ដោយបានប្រកាសថា យោងទៅតាមការកំណត់អត្រាពន្ធថ្មីរបស់រដ្ឋាភិបាល អតិថិជនដែលធ្វើការកក់រថយន្តអគ្គិសនីម៉ូដែល AION i60 ចាប់ពីពេលនេះតទៅ នឹងទទួលបាននូវតម្លៃកាន់តែពិសេសជាងមុន។ (សម្រាប់អ្នកចាប់អារម្មណ៍សូមទំនាក់ទំនង 061 9 33333)
៤. ក្រុមហ៊ុន JETOUR៖ បានចេញដំណឹងពិសេសសម្រាប់អតិថិជនដែលកក់រថយន្ត JETOUR (ប្រភេទរថយន្តអគ្គិសនីកូនកាត់ PHEV) ដោយលោកអ្នកនឹងទទួលបានការបញ្ចុះតម្លៃថ្មី ស្របតាមអត្រាពន្ធថ្មីរបស់រាជរដ្ឋាភិបាលផងដែរ (ដោយមានលក្ខខណ្ឌ៖ សម្រាប់តែអតិថិជនកក់មិនទាន់បើកវគ្គ/Clearance តែប៉ុណ្ណោះ)។ (សម្រាប់អ្នកចាប់អារម្មណ៍សូមទំនាក់ទំនង 017 713 713)
៥. ក្រុមហ៊ុន XPENG CAMBODIA (SDB GROUP)៖ បានចេញដំណឹងពិសេសជម្រាបជូនអតិថិជនថា ដើម្បីឆ្លើយតបនឹងអនុក្រឹត្យថ្មីស្តីពីការកែសម្រួលអត្រាពន្ធគយរបស់រាជរដ្ឋាភិបាលទៅលើរថយន្តប្រភេទ EV កន្លងទៅនេះ ក្រុមហ៊ុននឹងធ្វើការផ្តល់ជូនតម្លៃថ្មីស្របតាមអត្រាពន្ធថ្មី សម្រាប់រាល់ការកក់រថយន្តប្រភេទ EV របស់ XPENG ដែលមិនទាន់មកដល់ ឬមិនទាន់បើកទូនៅកម្ពុជា។ ការកែសម្រួលតម្លៃនេះ គឺចូលជាធរមានចាប់ពីថ្ងៃទី០១ ខែមេសា ឆ្នាំ២០២៦ តទៅ។
ការសម្រេចកែសម្រួល និងទម្លាក់តម្លៃព្រមៗគ្នានេះ គឺជាសញ្ញាណដ៏ល្អមួយសម្រាប់ទីផ្សាររថយន្តនៅកម្ពុជា ដែលមិនត្រឹមតែជួយសម្រួលដល់បន្ទុកចំណាយរបស់ប្រជាពលរដ្ឋក្នុងការទិញរថយន្តថ្មីប៉ុណ្ណោះទេ តែថែមទាំងចូលរួមចំណែកជួយជំរុញការប្រើប្រាស់យានយន្តថាមពលបៃតង ដែលសន្សំសំចៃខ្ពស់ និងជួយការពារបរិស្ថានស្របតាមការចង់បានរបស់រាជរដ្ឋាភិបាលផងដែរ។
