ទី១-CoolApp Messenger៖ កម្មវិធីនេះ ត្រូវបានបង្កើតឡើង ដើម្បីឆ្លើយតបតម្រូវការនៃការទំនាក់ទំនងប្រចាំថ្ងៃ។ មុខងារសំខាន់ៗមានដូចជា អាចផ្ញើសារ និងហៅវីដេអូ អាចផ្ញើឯកសារ រូបភាព មាន Sticker ខ្មែរច្រើន បង្កើតអារម្មណ៍សប្បាយក្នុងការសន្ទនា មានប្រព័ន្ធ ការពារ Data ឲ្យអ្នកប្រើប្រាស់មានទំនុកចិត្ត មិនចាញ់ Telegram ឡើយ។ អ្វីដែលសំខាន់គឺ អាចប្រើបានទាំងលើ iOS និង Android។

ទី២-AngkorLife៖ កម្មវិធី AngkorLife គឺជាកម្មវិធីសង្គម និងផ្ញើសារដែលមានមូលដ្ឋាននៅប្រទេសកម្ពុជាដោយក្រុមហ៊ុន Digital Angkor Co., Ltd. វារួមបញ្ចូលគ្នានូវការផ្ញើសារ ការខលជាសំឡេង/វីដេអូ ការជជែកជាក្រុម បណ្តាញសាធារណៈ និងមតិព័ត៌មានសង្គម ទាំងអស់ត្រូវបានរៀបចំឡើងសម្រាប់ការតភ្ជាប់ និងការចែករំលែកនៅក្នុងបរិបទសហគមន៍កម្ពុជា។

»»មុខងារសំខាន់ៗរបស់ Angkor Life:

 • បង្ហោះរូបភាព ឬវីដេអូប្រចាំថ្ងៃ ដូចជា Facebook feed

 • បញ្ចេញមតិ  និងចូលរួមជជែកក្នុង Post របស់មិត្តភក្ដិ

 • បង្កើតក្រុម Community ផ្ទាល់ខ្លួន

 • ផ្ញើសារផ្ទាល់ (Chat) រហ័ស និងសុវត្ថិភាព

• អាចផ្ញើសារជាសម្លេង ឬខលវីដេអូ

 • មានមុខងារ “Near Me” ដើម្បីស្វែងរកមិត្តថ្មីនៅជុំវិញ

គួរជម្រាបផងដែរថា CoolApp Messenger និង AngkorLife គឺជាឧទាហរណ៍ច្បាស់ថា កូនខ្មែរមិនចាញ់បរទេសក្នុងវិស័យបច្ចេកវិទ្យា។ ការប្រើប្រាស់កម្មវិធីទាំងនេះ គឺជាការគាំទ្រដល់ ផលិតផលបង្កើតដោយខ្មែរ និងជួយលើកកម្ពស់ឲ្យឧស្សាហកម្មឌីជីថលកម្ពុជា រីកចម្រើនទៅមុខ៕