១./ សម្រាប់ទូរស័ព្ទ Android (Android)

មុខងារនេះមានឈ្មោះថា Unknown Tracker Alerts ឬ ការជូនដំណឹងអំពីឧបករណ៍តាមដានដែលមិនស្គាល់ ដែលអាចរកឃើញឧបករណ៍តាមដានដែលប្រើបច្ចេកវិទ្យាដូច AirTag ជាដើម។

• ចូលទៅកាន់ Settings របស់ទូរស័ព្ទអ្នក
  រកមើលហើយចុចលើ Safety & Emergency ឬ Privacy (អាស្រ័យលើម៉ូដែលទូរស័ព្ទ)
• ចុចលើ Unknown tracker alerts 
  ត្រូវប្រាកដថា Allow alerts ត្រូវបានបើក (On)។
• ចំណាំ៖ អ្នកក៏អាចចុច Scan Now ដើម្បីធ្វើការស្កេនដោយដៃ (Manual Scan) ថាតើមានឧបករណ៍តាមដានដែលមិនស្គាល់នៅក្បែរអ្នកឬអត់។

២./ សម្រាប់ទូរស័ព្ទ iPhone - AirTag និង Find My Network

ទូរស័ព្ទ iPhone មានមុខងារភ្ជាប់មកជាមួយ ដែលអាចជូនដំណឹងអ្នកដោយស្វ័យប្រវត្តិ ប្រសិនបើមាន AirTag ឬគ្រឿងបន្លាស់ Find My Network ដែលមិនស្គាល់កំពុងតាមដានអ្នក។

• ចូលទៅកាន់ Settings 
• ចុចលើ Bluetooth ហើយត្រូវប្រាកដថាបើក (On)
• ចូលទៅកាន់ Settings + Privacy & Security + Location Services ហើយត្រូវប្រាកដថា បើក (On)។
• ចូលទៅកាន់ Settings + Notifications + Tracking Notifications រួចត្រូវប្រាកដថា Allow Notifications ត្រូវបានបើក (On)។

សូមប្រាកដថា Bluetooth និងសេវាកម្មទីតាំង (GPS) របស់អ្នកត្រូវបានបើកជានិច្ច ដើម្បីឱ្យប្រព័ន្ធអាចស្វែងរកឧបករណ៍តាមដានបាន។ នៅពេលទូរស័ព្ទរបស់អ្នករកឃើញឧបករណ៍តាមដានដែលមិនស្គាល់ អ្នកអាចចាក់សំឡេង (Play Sound) ដើម្បីជួយស្វែងរកទីតាំងឧបករណ៍នោះ។