ដូច្នេះចាបខៀវនឹងប្រាប់ពីចំណុចសំខាន់ ៥ ដែលអ្នកទាំងអស់គ្នាគួរដឹងមុខទិញរថយន្តមួយទឹកមកប្រើប្រាស់។

១. ពិនិត្យប្រវត្តិឡាន

ត្រូវប្រាកដថាអ្នកដឹងពីប្រវត្តិឡាន ដូចជា តើធ្លាប់ជួបគ្រោះថ្នាក់ដែរឬទេ? ធ្លាប់ជួសជុលអ្វីខ្លះ? និងចំនួនគីឡូម៉ែត្រដែលបានបើក។ ព័ត៌មានទាំងនេះសំខាន់ណាស់ក្នុងការវាយតម្លៃគុណភាពឡាន និងបញ្ហាដែលវាអាចមាន។

២. ត្រួតពិនិត្យស្ថានភាពឡានទាំងមូល

ពិនិត្យមើលឡានទាំងខាងក្រៅ ខាងក្នុង និងម៉ាស៊ីន ឲ្យបានហ្មត់ចត់។ ត្រូវមើលស្នាមឆ្កូត ស្នាមច្រែះ និងភាពមិនប្រក្រតីផ្សេងៗ។ បើកបរសាកល្បងយ៉ាងហោច ១០-១៥ នាទី ដើម្បីដឹងពីដំណើរការម៉ាស៊ីន ប្រព័ន្ធហ្រ្វាំង និងចង្កូត។ បើអាច នាំជាងជំនាញ ទៅជួយត្រួតពិនិត្យជាមួយអ្នកផង។

៣. ឯកសារស្របច្បាប់ និងកម្មសិទ្ធិ

ត្រូវប្រាកដថា ឯកសារឡានមានភាពពេញលេញ និងស្របច្បាប់ រួមមានប័ណ្ណសម្គាល់យានយន្ត ពន្ធផ្លូវ និងឯកសារត្រួតពិនិត្យបច្ចេកទេស (ឆៀក)។ ផ្ទៀងផ្ទាត់លេខតួ (VIN) និងលេខម៉ាស៊ីននៅលើឯកសារជាមួយនឹងលេខជាក់ស្តែងនៅលើឡាន។ ត្រូវដឹងថាអាចផ្ទេរកម្មសិទ្ធិបានត្រឹមត្រូវ។

៤. កំណត់ថវិកា និងពិនិត្យតម្លៃទីផ្សារ

កំណត់ថវិកា ច្បាស់លាស់សម្រាប់ឡាន និងចំណាយផ្សេងៗទៀតដូចជា ថ្លៃផ្ទេរកម្មសិទ្ធិ ថ្លៃជួសជុល (ប្រសិនបើចាំបាច់) និងថ្លៃធានារ៉ាប់រង។ បន្ទាប់មក ស្រាវជ្រាវតម្លៃទីផ្សារ សម្រាប់ម៉ូដែល និងឆ្នាំផលិតឡានដែលអ្នកចង់បាន ដើម្បីធានាថាអ្នកកំពុងទិញក្នុងតម្លៃសមរម្យ។

៥. ធ្វើកិច្ចសន្យាទិញ-លក់ឲ្យបានត្រឹមត្រូវ

នៅពេលអ្នកសម្រេចចិត្តទិញ អ្នកត្រូវតែ ធ្វើកិច្ចសន្យាទិញ-លក់ ឲ្យបានត្រឹមត្រូវ និងច្បាស់លាស់។ កិច្ចសន្យាគួរតែមានព័ត៌មានលម្អិតរបស់អ្នកទិញ អ្នកលក់ ព័ត៌មានឡាន និងតម្លៃលក់។ ការធ្វើកិច្ចសន្យាត្រឹមត្រូវនឹងជួយការពារអ្នកទាំងសងខាងក្នុងករណីមានបញ្ហាកើតឡើងនៅពេលក្រោយ។

គូសបញ្ជាក់ផងដែរថា អ្វីដែលសំខាន់បំផុតគឺការត្រួតពិនិត្យឡានឲ្យបានហ្មត់ចត់ មុននឹងសម្រេចចិត្តទិញ។ កុំប្រញាប់ប្រញាល់ ហើយកុំខ្ជិលក្នុងការចំណាយពេលវេលា និងថវិកាបន្តិចបន្តួចលើការត្រួតពិនិត្យប្រកបដោយវិជ្ជាជីវៈ។ ការធ្វើបែបនេះអាចជួយសង្គ្រោះអ្នកពីការខាតបង់ដ៏ធំនៅពេលក្រោយ។

ស្វែងរកអ្នកដែលអាចទុកចិត្ត ជួបភ្ទាល់ពិភាក្សាភ្ទាល់ ឬអាចស្វែងរករថយន្តជាច្រើននៅលើវេបសាយ Khmer24 ដែលជាកម្មវីធីពេញនិយមនៅកម្ពុជាក្នុងការ Resale ឬលក់ទៅទំនិញជាច្រើនមុចជាពិសេសគឺម៉ូឌែលឡានគ្រប់ប្រភេទ។