សូម្បីតែនៅកម្ពុជាក៏មានអ្នកទិញយកទៅប្រើប្រាស់ផងដែរ។ ដូច្នេះមកដឹងពីម៉ូដែលរថយន្ត Lamborghini ៥ ម៉ូដែលដែលពេញនិយមនៅក្នុងប្រទេសកម្ពុជា៖

• Lamborghini Urus: ម៉ូដែលនេះជាប្រភេទ SUV ដែលពេញនិយមបំផុត ព្រោះវាផ្សារភ្ជាប់គ្នារវាងការរចនាបែបទំនើប ទំហំធំទូលាយ និងកម្លាំងខ្លាំងរបស់រថយន្តស្ព័រ។ Urus ងាយស្រួលបើកបរលើផ្លូវគ្រប់ប្រភេទ មិនថាជាផ្លូវក្នុងក្រុង ឬផ្លូវលំទេ ហើយជាម៉ូដែលដែលលក់ដាច់ជាងគេនៅកម្ពុជា។

• Lamborghini Huracán: រថយន្តនេះជាម៉ូដែល Supercar ដែលគេឃើញញឹកញាប់ជាងគេ ជាមួយនឹងការរចនាបែប aerodynamic និងកម្លាំងម៉ាស៊ីន V10 ដ៏ខ្លាំងក្លា។ Huracán មានច្រើនស៊េរីដូចជា EVO និង STO ដែលផ្តល់ជម្រើសជាច្រើនដល់អ្នកចូលចិត្តល្បឿនលឿន។

• Lamborghini Aventador: ម៉ូដែលនេះជាម៉ូដែល V12 ដ៏ល្បីល្បាញ ដែលមានរូបរាងមុតស្រួច និងទ្វារបែប Scissor-Door ដែលជាចំណុចពិសេសរបស់ Lamborghini។ Aventador ជានិមិត្តរូបនៃភាពប្រណីត និងកម្លាំងខ្លាំង ដែលធ្វើឲ្យវាក្លាយជាគោលដៅសម្រាប់អ្នកដែលចង់បានរថយន្ត Supercar កម្រិតខ្ពស់។

• Lamborghini Gallardo: ម៉ូដែលនេះធ្លាប់ជាប្រភេទ Supercar ដែលលក់ដាច់បំផុតរបស់ Lamborghini មុនពេលមាន Huracán។ ទោះបីជា Gallardo ត្រូវបានបញ្ឈប់ផលិតក៏ដោយ ក៏វានៅតែពេញនិយម និងមានវត្តមានច្រើននៅលើដងផ្លូវក្នុងប្រទេសកម្ពុជា ព្រោះតម្លៃរបស់វាធូរថ្លៃជាងម៉ូដែលថ្មី។

• Lamborghini Murciélago: ជាប្រភេទរថយន្ត V12 មួយប្រភេទទៀតដែលត្រូវបានផលិតមុន Aventador។ Murciélago មានរូបរាងបែបកាចឆ្នាសដែលទាក់ទាញ ហើយវាត្រូវបានគេចាត់ទុកថាជាប្រភេទរថយន្ត Retro-Supercar ដែលមានលក្ខណៈពិសេសមួយសម្រាប់អ្នកប្រមូលរថយន្ត។

គូសបញ្ជាក់ផងដែរថាប្រភេទរថយន្តដែលបានរៀបរាប់ខាងលើនេះសុទ្ធតែជាប្រភេទរថយន្តទំនើប ស្អាត មានសក្កានុពល អង់អាច ថែមទាំងគុណភាពខ្ពស់ផងដែរ។

ដូច្នេះប្រសិនបើអ្នកទាំងអស់គ្នាចាប់អារម្មណ៍ចង់ទិញ ឬសួរនាំព័ត៌មានសូមទាក់ទងទៅគេហទំព័រហ្វេសប៊ុកផ្លូវការរបស់ Lamborghini Phnom Penh ដើម្បីទទួលបានរថយន្តដែលប្រណីត ស្តង់ដារ និងការផ្តល់សេវាថែទាំល្អ។