ការថតរូបឲ្យបានច្បាស់ល្អ និងមានគុណភាព គឺតម្រូវឱ្យអ្នកចេះប្រើប្រាស់បច្ចេកទេស និងមុខងារលើទូរស័ព្ទឱ្យបានត្រឹមត្រូវ រួមជាមួយការយល់ដឹងពីលក្ខខណ្ឌពន្លឺ និងការរៀបចំសមាសភាពផងដែរ។
ដើម្បីប្រើមុខងារទាំងនោះឱ្យបានត្រឹមត្រូវ អ្នកអាចធ្វើតាមការណែនាំដូចខាងក្រោមនេះ៖
១. មុខងារ HDR
មុខងារនេះភាគច្រើនមាននៅលើ Camera app របស់អ្នកស្រាប់។
- របៀបប្រើ: ចុចលើរូបសញ្ញា "HDR" នៅលើអេក្រង់កាមេរ៉ារបស់អ្នក។ វាអាចជាអក្សរ HDR ឬរូបសញ្ញាតូចមួយ។
- ពេលគួរប្រើ: ថតរូបនៅពេលថ្ងៃត្រង់ដែលមានពន្លឺខ្លាំង ឬថតទេសភាពដែលមួយផ្នែកងងឹត មួយផ្នែកភ្លឺ។
- ពេលមិនគួរប្រើ: ថតរូបវត្ថុដែលកំពុងធ្វើចលនា ព្រោះអាចធ្វើឱ្យរូបថតព្រាល។
២. របៀប Portrait Mode
- របៀបប្រើ: បើក Camera app រួចអូសទៅរកពាក្យ "Portrait" ឬ "Live Focus"។
- ពេលគួរប្រើ: ថតរូបមនុស្ស សត្វ ឬវត្ថុអ្វីមួយដែលអ្នកចង់ឱ្យលេចធ្លោពីផ្ទៃខាងក្រោយ។ ត្រូវប្រាកដថាអ្នកនៅចំងាយសមល្មមពីវត្ថុដែលអ្នកថត។
៣. ការកំណត់ ISO និង Shutter Speed
មុខងារនេះមាននៅក្នុង "Pro Mode" ឬ "Manual Mode" របស់កាមេរ៉ា។
- ISO: កំណត់ ISO ទាប (100-400) នៅពេលមានពន្លឺគ្រប់គ្រាន់ដើម្បីឱ្យរូបភាពច្បាស់ល្អ។ កំណត់ ISO ខ្ពស់ (800+) នៅពេលថតកន្លែងងងឹត។
- Shutter Speed: ប្រើ Shutter Speed លឿន (1/1000s) ដើម្បីថតវត្ថុដែលធ្វើចលនាលឿន។ ប្រើ Shutter Speed យឺត (1s-10s) ដើម្បីថតទេសភាពពេលយប់ ឬថតរូបភ្លើងនៅពេលយប់។
៤. របៀបប្រើ Pro Mode
- របៀបប្រើ: បើក Camera app រួចអូសទៅរកពាក្យ "Pro"។ នៅទីនោះអ្នកនឹងឃើញជម្រើសដូចជា ISO, Shutter Speed, White Balance ជាដើម។
- ពេលគួរប្រើ: នៅពេលដែលអ្នកចង់គ្រប់គ្រងការកំណត់ដោយខ្លួនឯងដើម្បីទទួលបានរូបភាពតាមបច្ចេកទេសជាក់លាក់។
៥. កម្រិត resolution
- របៀបប្រើ: ចូលទៅកាន់ Settings របស់ Camera app រួចរកមើលពាក្យ "Image resolution" ឬ "Video quality" ហើយជ្រើសរើសកម្រិតដែលខ្ពស់បំផុត។
- ពេលគួរប្រើ: គ្រប់ពេលដែលអ្នកចង់បានរូបភាពច្បាស់ល្អ ព្រោះកម្រិត resolution កាន់តែខ្ពស់ រូបភាពកាន់តែច្បាស់ ហើយអាចពង្រីកបានដោយមិនបាត់បង់គុណភាព។
គូសបញ្ជាក់ផងដែរថា វាក៏អាស្រ័យលើម៉ូឌែលទូរស័ព្ទ និងសេរ៊ីរបស់ទូរស័ព្ទ Android ដែរ ប្រសិនបើអ្នកទាំងអស់គ្នាបើកឃើញមុខងារទាំងអស់នេះអ្នកទាំងអស់គ្នាអាចអនុវត្តតាមវិធីខាងលើបាន។
