កំណើនរថយន្តសម្រាប់ឆមាសទី១ ឆ្នាំ២០២៥ កម្ពុជាបាននាំចូលរថយន្តថ្មីដែលកើនឡើង បើធៀបនឹងឆ្នាំ២០២៤។ នេះអាចបង្ហាញថាកម្ពុជាកំពុងមានរីកចម្រើនទៅលើវិស័យរថយន្តថ្មីខ្លាញ់គោ រហូតដល់មានសហគ្រាសរថយន្តធំៗបន្តនាំចូលរថយន្តមកលក់ក្នុងប្រទេសកម្ពុជាកាន់តែច្រើន និងគ្រប់ម៉ាកយីហោផងដែរ។

ប្រសិនបើអ្នកកំពុងតែសន្សំថវិកាក្នុងការជាវរថយន្តថ្មី ឬមានបំណងចង់ទិញប្រភេទរថយន្តខ្លាញ់គោ អត្ថបទមួយនេះនឹងលម្អិតជូនអ្នកទាំងអស់គ្នា។ ដូច្នេះចាបខៀបនឹងណែនាំរថយន្ត ៣ ម៉ូឌែលដែលមានតម្លៃក្រោម ២ម៉ឺនដុល្លារដែលមានលក់នៅលើទីផ្សារកម្ពុជា និងចេញពីរោងចក្រផលិតត្រឹមត្រូវតាមបែបស្តង់ដា។​

១. Kia Picanto S គឺជារថយន្តខ្នាតតូចមួយប្រភេទ ដែលមានអត្ថប្រយោជន៍ជាច្រើន សម្រាប់អ្នកដែលស្វែងរកយានជំនិះដ៏តូច ស្រួលចត និងសន្សំសំចៃប្រេង សម្រាប់បើកបរក្នុងទីក្រុង។ ឥឡូវមកដឹងពីអត្ថប្រយោជន៍មួយចំនួនរបស់ Kia Picanto S៖

• តម្លៃសមរម្យ: ជាទូទៅ Kia Picanto S មានតម្លៃទាបជាងរថយន្តធំៗជាច្រើន ដែលធ្វើឲ្យវាក្លាយជាជម្រើសល្អបំផុតសម្រាប់អ្នកដែលទើបចាប់ផ្តើមបើកបរ ឬមានថវិកាកំណត់។ សម្រាប់តម្លៃ Kia Picanto S គឺ $15,999។

• សន្សំសំចៃប្រេង: ដោយសារតែទំហំតូច និងម៉ាស៊ីនដែលមានកម្លាំងសមស្រប ឡានប្រភេទនេះ ស៊ីប្រេងតិចខ្លាំងណាស់ ដែលជួយសន្សំការចំណាយលើប្រេងឥន្ធនៈ ជាពិសេសនៅពេលអ្នកធ្វើដំណើរក្នុងទីក្រុងច្រើន។

• បំពាក់មកជាមួយបច្ចេកវិទ្យាទំនើប: ទោះបីជារថយន្តមានទំហំតូច និងតម្លៃសមរម្យ ក៏ Picanto S នៅតែបំពាក់មកជាមួយមុខងារទំនើបៗមួយចំនួន ដូចជាប្រព័ន្ធ infotainment ជាមួយអេក្រង់កម្សាន្ត, កាម៉េរ៉ាខាងក្រោយ, និងប្រព័ន្ធសុវត្ថិភាពមូលដ្ឋាន ដែលផ្តល់ភាពងាយស្រួល និងសុវត្ថិភាពដល់អ្នកបើកបរ ចៀសវាងបង្កគ្រោះថ្នាក់ដល់អ្នកបើបរផ្ទាល់ អ្នករួមដំណើរ និងអ្នកចរាចរណ៍លើដងផ្លូវ។
• ម៉ាស៊ីន Kia Picanto S: ម៉ាស៊ីន 1.0, ស៊ីឡាំង 3, លេខអូតូ 5 វគ្គ។

អ្នកទាំងអស់គ្នាអាចរកទិញបាននៅហាងលក់រថយន្ត Kia Cambodia ដើម្បីធានាគុណភាពជូនអ្នកប្រើប្រាស់ ផ្តល់ជូនការថែមពិសេស សុវត្ថិភាព សេវាកម្មល្អ និងមានការធានាត្រឹមត្រូវចេញពីក្រុមហ៊ុនផ្ទាល់។​ សម្រាប់ព័ត៌មានបន្ថែមសូមទាក់ទងតាមលេខទូរស័ព្ទ៖ 095 999 191 និង Facebook Page Kia Cambodia ។

២. Toyota Wigo គឺជាប្រភេទរថយន្ត City Car ខ្នាតតូចមួយដែលមានប្រជាប្រិយភាពយ៉ាងខ្លាំងនៅប្រទេសកម្ពុជា។ ត្រូវបានគេស្គាល់ថាជាជម្រើសដ៏ស័ក្តិសមបំផុតសម្រាប់អ្នកដែលទើបចាប់ផ្តើមទិញរថយន្តលើកដំបូង សម្រាប់អ្នកដែលត្រូវការរថយន្តដែលអាចធ្វើដំណើរក្នុងទីក្រុងបានយ៉ាងងាយស្រួល និងសន្សំសំចៃបានច្រើន។

• តម្លៃសមរម្យ: នេះគឺជាចំណុចលេចធ្លោជាងគេ Toyota Wigo គឺជា រថយន្តថ្មីដែលមានតម្លៃទាបមួយនៅលើទីផ្សារកម្ពុជា ដែលធ្វើឲ្យវាក្លាយជាជម្រើសដ៏ងាយស្រួលសម្រាប់អ្នកដែលមានថវិកាតាមចំនួនកំណត់។ តម្លៃនៃម៉ូដែល Toyota Wigo គឺ $19,900 (សម្រាប់ម៉ូដែលថ្មី) ទៅតាមប្រភេទ (Trim) និង Option។

• សន្សំសំចៃប្រេងខ្ពស់: ដោយសារតែម៉ាស៊ីនតូច (ភាគច្រើនជាប្រភេទ 1.0L) និងទម្ងន់ស្រាល Toyota Wigo ស៊ីប្រេងតិចបំផុត ដែលជួយសន្សំការចំណាយលើប្រេងឥន្ធនៈយ៉ាងច្រើន ជាពិសេសនៅពេលដែលអ្នកធ្វើដំណើរប្រចាំថ្ងៃ ឬជួបស្ថានភាពចរាចរណ៍ស្ទះក្នុងទីក្រុង។ អត្រាស៊ីប្រេងជាមធ្យមអាចស្ថិតក្នុងរង្វង់ 4.0-5.0 លីត្រ/១០០ គីឡូម៉ែត្រ។

• ចំណាយថែទាំទាប: គ្រឿងបន្លាស់ (គ្រឿងបន្លាស់) របស់ Toyota Wigo គឺ ងាយស្រួលរក និងមានតម្លៃសមរម្យ ដែលជួយកាត់បន្ថយការចំណាយរយៈពេលវែង។
• បំពាក់បច្ចេកវិទ្យាទំនើប: ម៉ូដែលថ្មីៗរបស់ Wigo តែងតែមានការបំពាក់នូវបច្ចេកវិទ្យាទំនើបៗដូចជា អេក្រង់ Display Audio ទំហំ 8 អ៊ីង ដែល Support ដោយ Apple CarPlay និង Android Auto connectivity, Wireless Charger, Push Start button, និង Smart Entry។

សម្រាប់ម៉ូឌែល Toyota Wigo អ្នកទាំងអស់គ្នាអាចរកទិញបាននៅហាងលក់រថយន្ត Toyota Cambodia ដើម្បីធានាគុណភាពជូនអ្នកប្រើប្រាស់ ផ្តល់ជូនការថែមពិសេស សុវត្ថិភាព សេវាកម្មល្អ និងមានការធានាត្រឹមត្រូវចេញពីក្រុមហ៊ុនផ្ទាល់។​ សម្រាប់ព័ត៌មានបន្ថែមសូមទាក់ទងតាមលេខទូរស័ព្ទ៖ 017 222 451 និង Facebook Page Toyota Cambodia ។

៣. BYD Seagull គឺជាឡានអគ្គិសនីខ្នាតតូច (mini electric vehicle) ដែលផលិតដោយក្រុមហ៊ុន BYD Auto របស់ប្រទេសចិន។ ឡាននេះត្រូវបានរចនាឡើងជាពិសេសសម្រាប់ទីផ្សារទីក្រុង ដោយសារតែទំហំតូច និងតម្លៃសមរម្យ។

• តម្លៃសមរម្យ: នេះគឺជាចំណុចលេចធ្លោជាងគេរបស់ BYD Seagull។ វាមានតម្លៃទាបក្នុងចំណោមរថយន្តអគ្គិសនី ដែលធ្វើឱ្យវាក្លាយជាជម្រើសដ៏ទាក់ទាញសម្រាប់អ្នកដែលចង់បានឡានអគ្គិសនីក្នុងតម្លៃទាប។ 𝗕𝗬𝗗 𝗦𝗲𝗮𝗴𝘂𝗹𝗹 មានតម្លៃត្រឺមតែ $17,999 ។   

• ដំណើរការល្អ (Range): ទោះបីជាតូចក៏ដោយ BYD Seagull ផ្តល់ជូននូវជួរចម្ងាយបើកបរដែលគ្រប់គ្រាន់សម្រាប់ការធ្វើដំណើរប្រចាំថ្ងៃក្នុងទីក្រុង។ សន្សំសំចៃខ្ពស់ ជិះ 100Km ចំណាយត្រឹមតែ $2។

• បំពាក់បច្ចេកវិទ្យា: ឡាននេះមានបំពាក់នូវមុខងារទំនើបៗមួយចំនួន ដូចជាអេក្រង់កម្សាន្ត មានភាពឆ្លាតវ័យទំហំ 10.1 អ៊ីញ ដែលអាច Touch Screen និងបង្វិលបាន និងប្រព័ន្ធសុវត្ថិភាពមូលដ្ឋាន។
• គ្រឿងដែក: គ្រោងដែកបានទទួលស្គាល់ពានរង្វាន់ផ្កាយ 5។

ចំពោះម៉ូឌែល BYD Seagull អ្នកទាំងអស់គ្នាអាចរកទិញបាននៅហាងលក់រថយន្ត BYD Cambodia ដើម្បីធានាគុណភាពជូនអ្នកប្រើប្រាស់ ផ្តល់ជូនការថែមពិសេស សុវត្ថិភាព សេវាកម្មល្អ និងមានការធានាត្រឹមត្រូវចេញពីក្រុមហ៊ុនផ្ទាល់។​ សម្រាប់ព័ត៌មានបន្ថែមសូមទាក់ទងតាមលេខទូរស័ព្ទ៖ 017 555 924 និង Facebook Page BYD Cambodia។

គូសបញ្ជាក់ផងដែរថា ប្រសិនបើអ្នកទាំងអស់គ្នាចំនួនថវិការមានកំណត់ តែចង់បានរថយន្តបើកបរបែបទីក្រុងដោយចំណាយតិចចំណេញច្រើន ចាបខៀវសូមណែនាំរថយន្តខ្លាញ់គោ ៣ម៉ូឌែលខាងលើនេះ។ សូមទៅកាន់ទីតាំងហាងផ្ទាល់ដើម្បីពិនិត្យមើលរថយន្តជាក់ស្តែង និងសួរនាំព័ត៌មានឲ្យបានជាក់លាក់ដើម្បីទិញរថយន្តយកទៅប្រើប្រាប់ហើយប្រកបដោយទំនុកចិត្តខ្ពស់ និងសុវត្ថិភាព។