ជាទូទៅការចុចតំណភ្ជាប់ link ឬ Website ដោយចៃដន្យ គឺជាបញ្ហាទូទៅមួយដែលមនុស្សជាច្រើនជួបប្រទះ ជាពិសេសនៅពេលប្រើទូរស័ព្ទ។ វាកើតឡើងនៅពេលដែលអ្នកប៉ះលើអេក្រង់ដោយមិនបានប្រុងប្រយ័ត្ន ហើយបើកតំណភ្ជាប់ណាមួយដោយអចេតនា ឬមួយទៀតជាចេតនារបស់អ្នកតែអ្នកភ្លេចខ្លួនផ្តាច់ចេញ។ វិធីដើម្បីផ្តាច់គេហទំព័រ ឬឧបករណ៍ដែលជាប់នឹងគណនី Telegram របស់អ្នក គឺមានភាពងាយស្រួល ហើយវាជារឿងសំខាន់ណាស់សម្រាប់សុវត្ថិភាពផងដែរ។
ខាងក្រោមនេះជារបៀបផ្តាច់ ៖
- បើកកម្មវិធី Telegram
- ចូលទៅកាន់ Settings
- ជ្រើសរើស Privacy and Security
- រកមើលពាក្យ Active Websites ហើយចុចលើវា។
នៅក្នុងផ្នែក Active Websites អ្នកនឹងឃើញបញ្ជីនៃគេហទំព័រ ឬសេវាកម្មទាំងអស់ដែលបានភ្ជាប់ទៅនឹងគណនី Telegram របស់អ្នក។ ជាធម្មតា ការភ្ជាប់ទាំងនេះកើតឡើងនៅពេលដែលអ្នកប្រើមុខងារ Log in with Telegram នៅលើគេហទំព័រ ឬកម្មវិធីផ្សេងៗ។
ប្រសិនបើអ្នកឃើញគេហទំព័រណាដែលអ្នកមិនស្គាល់ ឬមិនទុកចិត្តនៅក្នុងបញ្ជីនោះ អ្នកគួរតែផ្តាច់វាចោលភ្លាមៗ។
- ចូលទៅក្នុងក្រឡោន Active Websites សូមចុចលើឈ្មោះគេហទំព័រដែលអ្នកចង់ផ្តាច់
- បន្ទាប់មកចុចលើពាក្យ Log out រួចជាការស្រេច។
គូសបញ្ជាក់ផងដែរថា ប្រសិនបើអ្នកទាំងអស់គ្នារកមិនឃើញពាក្យ Active Websites លើ Telegram របស់អ្នកទេ នោះមានន័យថាគណនីរបស់អ្នកមិនបានភ្ជាប់ជាមួយគេហទំព័រ ឬវេបសាយណាមួយឡើយ។
