ក្រសួងពាណិជ្ជកម្ម បានគ្រោងរៀបចំ “ររៀបចំវេទិកាពាណិជ្ជកម្មឌីជីថលកម្ពុជា និងពិព័រណ៍អនឡាញ លើកទី៣ (The 3rd Cambodia Digital Trade Forum and Online Expo)” ដែលនឹងប្រព្រឹត្តទៅចាប់ពីថ្ងៃទី ១១-១៣ ខែកញ្ញា ឆ្នាំ២០២៦ ក្រោមអធិបតីភាពដ៏ខ្ពង់ខ្ពស់របស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម នៅមជ្ឈមណ្ឌលសន្និបាត និងពិព័រណ៍កោះពេជ្រ (អគារ G-L) រាជធានីភ្នំពេញ។
ព្រឹត្តិការណ៍នេះធ្វើឡើងក្នុងគោលបំណងពិភាក្សាអំពីទិសដៅពាណិជ្ជកម្មឌីជីថល ក្របខ័ណ្ឌគោលនយោបាយ និងជំរុញការនាំចេញផលិតផលកម្ពុជាទៅកាន់ទីផ្សារអន្តរជាតិ តាមរយៈទីផ្សារអេឡិចត្រូនិក CambodiaTrade.com ដោយមានកម្មវិធីសំខាន់ៗដូចជា ការបង្ហាញបច្ចេកវិទ្យា AI សន្តិសុខសាយប័រ ប្រព័ន្ធអេកូឡូស៊ី Apple វេទិកាស្ត្រីក្នុងវិស័យឌីជីថល ការប្រកួត Hackathon ព្រមទាំងការតាំងបង្ហាញផលិតផលក្នុងស្រុក (#MadeInCambodia និង #MadeByHer) ដោយតម្រូវឱ្យអ្នកចាប់អារម្មណ៍ចុះឈ្មោះចូលរួមឱ្យបានមុនថ្ងៃទី២៥ ខែសីហា ឆ្នាំ២០២៦។
ព្រឹត្តិការណ៍ឆ្នាំនេះ រំពឹងថានឹងទាក់ទាញស្តង់ពិពរណ៍ជាង ២០០ ស្តង់ ដោយប្រមូលផ្តុំទៅដោយថ្នាក់ដឹកនាំរាជរដ្ឋាភិបាល ក្រុមហ៊ុនបច្ចេកវិទ្យា អាជីវកម្មបង្កើតថ្មី (Startups) អ្នកវិនិយោគ សហគ្រាសធុនតូច និងមធ្យម (SMEs) ដៃគូអភិវឌ្ឍន៍ ព្រមទាំងភ្ញៀវជាតិ និងអន្តរជាតិរាប់ពាន់នាក់។
ព័ត៌មានបន្ថែម និងការចុះឈ្មោះ៖
- គេហទំព័រផ្លូវការ៖ https://dtf.moc.gov.kh/
- តំណភ្ជាប់សម្រាប់ចុះឈ្មោះស្តង់ពិពរណ៍ (Booth Registration)៖ https://link.moc.gov.kh/dtf-3-booth-registration
ចូលរួមទាំងអស់គ្នា ក្នុងវេទិកាពិព័រណ៍ពាណិជ្ជកម្មឌីជីថលកម្ពុជា លើកទី៣ ដើម្បីរួមចំណែកលើកស្ទួយផលិតផលខ្មែរ (#MadeInCambodia និង #MadeByHer) ដោយបើកទ្វារអាជីវកម្មរបស់អ្នកទៅកាន់ទីផ្សារពិភពលោក និងរួមគ្នារុញច្រានសេដ្ឋកិច្ចឌីជីថលកម្ពុជាឱ្យកាន់តែរីកចម្រើនឆ្ពោះទៅមុខ!
