យ៉ោងតាមប្រភពស្រាវជ្រាវរបស់ NASA (National Aeronautics and Space Administration) បានប្រាប់ឲ្យដឹងថា​ ប្រទេសមួយចំនួនដែលជួបប្រទះបាតុភូតនេះមានដូចជា៖

• ប្រទេសន័រវែស (Norway)៖ ត្រូវបានគេស្គាល់ថាជាដែនដីនៃព្រះអាទិត្យពាក់កណ្តាលអធ្រាត្រ។ នៅតំបន់ខ្លះ ព្រះអាទិត្យមិនលិចសោះរហូតដល់ទៅ ៧៦ ថ្ងៃ ចាប់ពីខែឧសភា ដល់ខែកក្កដា។

• ប្រទេសអ៊ីស្លង់ (Iceland)៖ នៅរដូវក្តៅ យប់នៅទីនោះគឺភ្លឺដូចថ្ងៃចិញ្ចាច ចំណែកឯខែមិថុនាវិញ ព្រះអាទិត្យមិនលិចទាល់តែសោះ។

• ប្រទេសកាណាដា (Canada)៖ នៅតំបន់ភាគខាងជើងខ្លាំង ដូចជាទីក្រុង Inuvik មេឃភ្លឺបន្តបន្ទាប់គ្នារហូតដល់ទៅជិត ២ ខែ។

• រដ្ឋអាឡាស្កា នៃសហរដ្ឋអាមេរិក (Alaska, USA)៖ នៅទីក្រុង Utqiaġvik ព្រះអាទិត្យមិនលិចសោះចាប់ពីពាក់កណ្តាលខែឧសភា រហូតដល់ចុងខែកក្កដា។

• ប្រទេសស៊ុយអែត (Sweden)៖ នៅតំបន់ភាគខាងជើង ព្រះអាទិត្យរះជិត ២៤ ម៉ោងក្នុងមួយថ្ងៃ ក្នុងអំឡុងខែឧសភា ដល់ខែសីហា។

• ប្រទេសហ្វាំងឡង់ (Finland)៖ នៅភាគខាងជើងនៃប្រទេសនេះ ព្រះអាទិត្យមិនលិចសោះរហូតដល់ទៅ ៧៣ ថ្ងៃផ្ទួនៗគ្នា។

មូលហេតុគឺដោយសារ ផែនដីវិលទ្រេត (ប្រហែល ២៣.៥ ដឺក្រេ) នៅពេលវាធ្វើដំណើរជុំវិញព្រះអាទិត្យ។ ក្នុងអំឡុងរដូវក្តៅ ប៉ូលខាងជើងរបស់ផែនដីបានងាកទៅរកព្រះអាទិត្យចំតែម្តង ហេតុនេះហើយ ទើបបណ្តាប្រទេសដែលនៅតំបន់ប៉ូលខាងជើង ទទួលបានពន្លឺព្រះអាទិត្យផ្ទាល់ពេញ ២៤ ម៉ោង ដោយព្រះអាទិត្យមិនលិចចូលជើងមេឃសោះឡើយ។