បើទោះបី Telegram បានកើនឡើងចំនួនអ្នកប្រើប្រាស់ដល់ ១០០០លាននាក់ ជុំវិញពិភពលោកក្តី ក៏មានប្រទេសមួយចំនួនមិនអនុញ្ញាតឱ្យប្រជាជនខ្លួនប្រើប្រាស់វេទិកាទំនាក់ទំនងនេះផងដែរ។ ខាងក្រោមគឺជាប្រទេសធំៗ៥ ហាមឃាតមិនឱ្យប្រើ Telegram៖
១-ប្រទេសចិន៖ វាមិនខុសពីកម្មវិធីមួយចំនួនរបស់អាមេរិកឡើយ Telegram ត្រូវបានបិទនៅក្នុងប្រទេសចិនតាំងពីឆ្នាំ២០១៥ បន្ទាប់ពីការវាយប្រហារតាមអនឡាញដ៏ធំ ហើយការហាមឃាត់កម្មវិធីនេះ ត្រូវបានមន្ត្រីរដ្ឋាភិបាលចិនអះអាងថា ជាការគ្រប់គ្រងទៅលើលំហូរព័ត៌មាន និងមាតិកាក្លែងក្លាយ។
២-ប្រទេសអ៊ីរ៉ង់៖ អ៊ីរ៉ង់បានហាមប្រាម Telegram ក្នុងឆ្នាំ២០១៨ ដោយសារការព្រួយបារម្ភអំពីសន្តិសុខជាតិ។ អាជ្ញាធរបានអះអាងថា កម្មវិធីនេះត្រូវបានគេប្រើដើម្បីរៀបចំការតវ៉ាប្រឆាំងរដ្ឋាភិបាល និងផ្សព្វផ្សាយសារប្រឆាំងនឹងរបបនេះ។
៣-ប្រទេសថៃ៖ ត្រូវបានហាមឃាត់ក្នុងឆ្នាំ២០២០ បន្ទាប់ពីវាត្រូវបានគេប្រើដើម្បីសម្របសម្រួលការតវ៉ាដ៏ធំប្រឆាំងនឹងរបបរាជានិយម និងរដ្ឋាភិបាល។
៤-ប្រទេសប៉ាគីស្ថាន៖ ត្រូវបានបិទជាផ្លូវការក្នុងឆ្នាំ 2017 ព្រោះរដ្ឋាភិបាលព្រួយបារម្ភទៅលើបញ្ហាសុវត្ថិភាព និងមាតិកាដែលមិនអាចគ្រប់គ្រងបាន។
៥-ប្រទេសសូម៉ាលី៖ ត្រូវបានហាមឃាត់ក្នុងខែសីហា ឆ្នាំ 2023 ដោយសារតែការរីករាលដាលនៃមាតិកាមិនច្បាស់លាស់ និងព័ត៌មានមិនពិត។
យ៉ាងណាមិញ ក្រៅពីប្រទេសធំៗទាំង៥ខាងលើ ក៏នៅមានប្រទេសមួយចំនួនទៀតដែលធ្លាប់ហាមឃាត់ និងដាក់លក្ខខណ្ឌយ៉ាងតឹងរឹងបំផុតដល់ការប្រើប្រាស់វេទិកា Telegram ក្នុងប្រទេសរបស់ខ្លួនដូចជា ឥណ្ឌូនេស៊ី, ឥណ្ឌា, អាឡឺម៉ង់, ប្រទេសរុស្ស៊ី, ន័រវែស, បេឡារុស្ស, តួកគី, និងអារ៉ាប់រួម ជាដើម។
បើទោះបីជា Telegram ត្រូវបានបង្កើតនៅក្នុងប្រទេសរុស្ស៊ី ប៉ុន្តែបច្ចុប្បន្ន Telegram មានការិយាល័យកណ្ដាលនៅប្រទេសជាច្រើន។ ដោយសារតែ បញ្ហាសន្តិសុខ និងសិទ្ធិក្នុងការបញ្ចេញមតិនៅរុស្ស៊ី ទើប Telegram អះអាងថាខ្លួនមិនស្ថិតនៅក្រោមការត្រួតពិនិត្យរបស់រដ្ឋណាមួយទេ។
សូមជម្រាបផងដែរថា នៅស្រុកខ្មែរយើងក៏មាន កម្មវិធីទំនាក់ទំនង CoolApp ដែលបង្កើតឡើងដោយកូនខ្មែរ ដែលមានមុខងារជាច្រើន ងាយស្រួលសម្រាប់ការធ្វើទំនាក់ទំនងមិនថាក្នុងការងារ ឬការប្រើប្រាស់ប្រចាំថ្ងៃឡើយ។ លោកអ្នកអាចទាញយក CoolApp ទាំងតាម iOS និង Android៕
