បណ្ដាញសង្គម Facebook ដែលកំពុងទទួលបានការពេញនិយមពីសំណាក់ប្រជាជនខ្មែរ និងបណ្ដាប្រទេសជាច្រើនទៀតជុំវិញពិភពលោក ដើមឡើយត្រូវបានមនុស្សជ្រើសរើសប្រើប្រាស់វា ដើម្បីធ្វើទំនាក់ទំនងជាមួយគ្រួសារ និងមិត្តភក្តិ ឬការបង្កើតចំណងមិត្តភាពជាដើម។
ដោយឡែកកាលពីពេលថ្មីៗនេះ មហាសេដ្ឋី Mark Zuckerberg បានលើកឡើងថា Facebook មិនមានតួនាទីដូចពីមុនទៀតឡើយ ពោលគឺពេលនេះវាបានក្លាយទៅជាវេទិកាដែលផ្អែកលើ Algorithm និងប្រធានបទកំពុងពេញនិយមជាចម្បង។
គួរជម្រាបផងដែរថា របៀបដែល Facebook សព្វថ្ងៃដំណើរការគឺ ទី១៖ការរុញនូវមាតិកាណាដែលលោកអ្នកកំពុងចាប់អារម្មណ៍ ឬជាចំណូលចិត្តរបស់អ្នក។ ឧទាហរណ៍ថាអ្នកចូលចិត្តមើលឡាន វានឹងរុញមាតិកាដែលទាក់ទងនឹងឡានឱ្យអ្នកឃើញថ្មីៗជាបន្តបន្ទាប់ មិនថាតាមផុសជារូបភាព វីដេអូ ឬវីដេអូខ្លីជាដើម។ ទី២៖ រុញនូវព័ត៌មានថ្មីៗ Trending ដែលកំពុងមានអ្នកចាប់អារម្មណ៍ច្រើន ក្នុងគោលបំណងធំតែ១គឺ ឱ្យអ្នកចំណាយពេលលើ Facebook ៕
